ഇംഗ്ലണ്ടിൽ 'റൂൾ ഓഫ് സിക്സ് ' പ്രഖ്യാപിച്ചു. ലംഘിക്കുന്നവർക്ക് ഫൈൻ ഏർപ്പെടുത്തിയിട്ടുണ്ട്. അറസ്റ്റിനും പോലീസിനധികാരം നല്കി. ഇന്ന് വൈകുന്നേരം 4 മണിക്ക് ഡൗണിംഗ് സ്ട്രീറ്റിൽ നടന്ന മീഡിയ ബ്രീഫിംഗിലാണ് പുതിയ നിയന്ത്രണങ്ങൾ പ്രധാനമന്ത്രി ബോറിസ് ജോൺസൺ പ്രഖ്യാപിച്ചത്. ഇതനുസരിച്ച് തിങ്കളാഴ്ച മുതൽ ഇൻഡോറിലും ഔട്ട് ഡോറിലും ആറിലധികം ആളുകൾ ഒന്നിച്ചു ചേരുന്നത് നിരോധിച്ചു. 3000 ത്തോളം കൊറോണ കേസുകൾ ദിനംപ്രതി ഉണ്ടാകുന്നതിൻ്റെ അടിസ്ഥാനത്തിലാണ് അടിയന്തിര നിയന്ത്രണങ്ങൾ ഏർപ്പെടുത്തുന്നത്.

സപ്പോർട്ട് ബബിളുകളിൽ ആറിൽ കൂടുതൽ പേർ അനുവദനീയമാണ്. വിവാഹങ്ങൾ, ഫ്യൂണറലുകൾ, ടീ സ്പോർട്സ് എന്നിവയ്ക്ക് പുതിയ നിയന്ത്രണം ബാധകമാവില്ല. എന്നാൽ പ്രൈവറ്റ് ഹോമുകൾ, പാർക്ക്, പബുകൾ, റെസ്റ്റോറൻ്റുകൾ എന്നിവ പുതിയ നിയന്ത്രണത്തിന് കീഴിൽ വരും. വർക്ക്, എഡ്യൂക്കേഷൻ തുടങ്ങിയവയ്ക്ക് പുതിയ ഭേദഗതി ബാധകമല്ല. പുതിയ നിയന്ത്രണങ്ങൾ ലംഘിക്കുന്നവർക്ക് 100 പൗണ്ട് ഫൈൻ ഏർപ്പെടുത്തും. ആവർത്തിച്ച് ലംഘിക്കുന്നവർക്ക് 3,200 പൗണ്ട് വരെ പിഴയീടാക്കും. ആവശ്യമെങ്കിൽ നിയമലംഘകരെ പോലീസ് അറസ്റ്റ് ചെയ്യുമെന്നും ബോറിസ് വ്യക്തമാക്കി.