ജിജോ അരയത്ത്

യുകെ മലയാളികൾ അഭിനയിച്ച പൂർണമായും ഇംഗ്ലണ്ടിൽ ചിത്രീകരിച്ച വ്യത്യസ്തതയാർന്ന ഒരു മലയാള മ്യൂസിക് ആൽബം ഗ്രേറ്റ് യാർമൗത്തിലെ മലയാളികൾ ശ്രദ്ധേയമാവുന്നു. പ്രണയം, വിരഹം തുടങ്ങിയ പതിവ് ഇതിവൃത്തങ്ങളിൽനിന്നും മാറി പുതുതലമുറയുടെ "ഈസി മണി മേക്കിങ്" എന്ന പ്രവണതയെ അടിസ്ഥാനമാക്കിയാണ് ഈ ആക്ഷൻ ത്രില്ലെർ മ്യൂസിക് ആൽബം ചിത്രികരിച്ചിരിക്കുന്നത്. രക്തബന്ധങ്ങൾ അപകടങ്ങളിലേക്കു പോകുമ്പോൾ ഏത്‌ സാധാരണക്കാരനും സൂപ്പർഹീറോ ആയി മാറുന്നു .ആശ്രേയ പ്രൊഡക്ഷനാണ് ഈ ആൽബം റിലീസ് ചെയ്തിരിക്കുന്നത് .നിരവധി പുതുമുഖ കലാകാരന്മാർക്ക് അവസരം നൽകിയ ആശ്രേയ പ്രൊഡക്ഷന്റെ പല ഗാനങ്ങളും ഇതിനോടകം 1 million ൽ അധികം പ്രേക്ഷകരെ നേടി കഴിഞ്ഞു. യൂകെ മലയാളിയും ഐ ടി പ്രൊഫെഷനലും നിരവധി ഗാനങ്ങളുടെ സംഗീത സവിധായകനുമായ അബി എബ്രഹാം ആണ് ഈ മ്യൂസിക് ആൽബം സംഗീത സംവിധാനം ചെയ്തിരിക്കുന്നത് . മിഥുൻ ജയരാജ്, ക്രിസ്റ്റോ സേവ്യർ എന്നിവർ ചേർന്ന് ഗാനം ആലപിച്ചിരിക്കുന്നു .

തന്റെ സിനിമാ മോഹം ഉള്ളിലൊതുക്കി യൂ കെ യിൽ സ്ഥിരതാമസമാക്കിയ പ്രവീൺ ഭാസ്ക്കർ സംവിധാനം ചെയുന്ന രണ്ടാമത്തെ ആൽബം ആണ് *മിഴിയെ 2*. അദ്ദേഹം തന്നെയാണ് ഇതിൽ പ്രധാന കഥാപാത്രമായി അഭിനയിച്ചിരിക്കുന്നത്. ആഷ് എബ്രഹാമാണ് മറ്റൊരു പ്രധാന കഥാപാത്രത്തെ അവതരിപ്പിച്ചിരിക്കുന്നത് . ഗ്രേറ്റ് യാർമൗത് മലയാളി അസ്സോസിയേഷനി (GYMA )ലെ മെംബേർസ് ആയ പതിമൂന്നോളം കലാകാരന്മാരാണ് ഇതര കഥാപാത്രങ്ങൾക്ക് ജീവൻ നല്കുന്നത്. ഇവരെല്ലാം പുതുമുഖങ്ങളാണ് എന്നുള്ളതാണ് ഈ മ്യൂസിക്കൽ ആൽബത്തെ വ്യത്യസ്തമാക്കുന്നത്. അസോസിയേഷൻ പ്രസിഡന്റ് ബിൽജി തോമസ് ആണ് മെയിൻ വില്ലൻ വേഷം ചെയ്തിരിക്കുന്നത്. അസോസിയേഷൻ ഭാരവാഹിയായ ദിലീപ് കുറുപ്പത്ത് ആണ് ആർട്ട് ഡയറക്ടർ. സംഗീത രചന ഗോപു മുരളീധരൻ, RAP -ആഷ് എബ്രഹാം. നിരവധി മലയാള തമിഴ് സിനിമകളുടെ ഛായാഗ്രാഹകനായ അബു ഷാ ഈ ആൽബത്തിന്റെയും കാമറ ചെയ്തിരിക്കുന്നത്.

ഇംഗ്ലണ്ടിന്റെ കിഴക്കേയറ്റമായ ഗ്രേറ്റ് യാർമോത്തിലും ലണ്ടനിലുമായാണ് ഈ ആൽബം ചിത്രികരിച്ചിരിക്കുന്നത്. റിലീസ് ചെയ്തു മണിക്കൂറുകൾക്കകം തന്നെ ആയിരക്കണക്കിന് പ്രേക്ഷകരെനേടി ഈ ആൽബം ശ്രദ്ധ നേടിക്കൊണ്ടിരിക്കുകയാണ്. നവീന്റെ എഡിറ്റിംഗിൽ ഗ്രേറ്റ് യാർമൗത് മലയാളികളായ പ്രവീൺ ഭാസ്‌ക്കർ, ആഷ്, ബിൽജി തോമസ്, അനീഷ് സുരേഷ്, എബ്രഹാം (കൊച്ചുമോൻ), പ്രിയ ജിജി, ജോയ്‌സ് ജോർജ്, ദിലീപ് കുറുപ്പത്ത്, ബ്ലിൻറ്റോ ആന്റണി, ലിന്റോ തോമസ്, എബി പ്രിൻസ് മുതിരക്കാല, റോബിൻ, മാസ്റ്റർ ഡാനി, മാസ്റ്റർ അതുൽ തുടങ്ങിയവരാണ് ഈ ആൽബത്തിൽ അഭിനയിച്ചിരിക്കുന്നത്

Mizhiye 2 - New Malayalam Album Song 2020 - Kanavoram